وينك...ترى قلبي تقطع من الشوق ؟؟

وينـك ؟ تـرى قلبـي تقطـع مـن الـشـوق
وينـك ؟ تعبـتْ مــن السَـهَـر والكـأآبـه

مانـي مصـدق ( كـل مـطـرود ملـحـوق)
مــن يــوم طــال الانتـظـار وعـذابـه

اشتـاق لـك شـوق ٍ علـى الواقـع يـفـوق
شـوق الغريـب اللـي فـقـد لــه قـرابـه

ويحـنّ لـك قلبـي مـن الـشـوق ويـتـوق
يَعصى لــو اترده شــروط الرقـابـه

شوقـي يغنيـلـي عـلـى كــل طــاروق
وحزنـي يسامـربـي .. لـحـون الربـابـه

اسهر مـع اطيافـك .. علـى منتهـى الـذوق
واعـيـش حـلـم ٍ تكتـسـيـه الـغـرابـه

حريـتـي ضـاعـت .. وقِـيـدت بسـبـوق
كـل الــدروب امـسـت بعيـنـي تشـابـه

حب .. وفرح .. واحزان .. وجروح .. وحروق
ودمع ٍ يـكـدّر صـفـوتي بانسكابه

عليـك احس انـي بلا راي مسـيـوق!!
اثـر الغـلاء يكـسـر جـسـور الصـلابـه

يثـور بك حزنـي ويـنـزاح .. ويروق
ويرجـح عـذابي ليـن يـوفـي نصابـه

ليل الشقـاء عتّـم .. بـه رعـود .. وبـروق
وعواصـف ٍ تحـجـب بـيـاض السحـابـه

وريـح ٍ يخـلي قـاسي القـلـب مفـتـوق
حتى تضـيع مــن الـسـؤال الاجـابـه

سرقتنـي .. والحـب .. سـارق .. ومسـروق
وآسرتـني لــو ما براسي طـلابه

مـن جـد محتاجـك .. قطـع قلبـي الشـوق
تـعـال ملـيـت الـسـهـر .. والكـأآبـه

» حبك في قلبي يا روح الروح ؟؟؟
» مدونتي ....اليك يا ملاك قلبي وروحي ؟؟؟