زمن غريب ودنيا صعبه

موضوعك جميل وكلامك جميل
لكن اسمحلى اقلك سيبك من الناس
متعامل الشخص وتنتظر منه انه يعاملك حلو
عامل الناس لوجة الله
صدقنى كده هترتاح
وبعدين فى شئ تانى
ان الواحد مننا مبيشفش غير الشئ اللى هو عاوز يشوفة بس
بمعنى انت بتقول ان الناس اللى بتاعملهم حلو بيعاملوك وحش تعاملهم بالخير يعاملوك بالشر
يمكن صحيح كلامك لكن انت بتتكلم عن ناس معينه فى بالك مش كل الناس
اكيد فى ناس بتحبك لكن انت مش شايفهم لانك بتفكر فى اللى بتحبهم
اكيد فى ناس تتمنى انك تكلمهم او تسلم عليهم لكن انت مش واخد بالك منهم لانك مشغول بغيرهم
عارف ممكن تكون ماشى فى الطريق وتشوف شخص مهم عندك تنادى عليه ميسمعكش او ميردش عليك وفى نفس الوقت يكون فيه شخص هو مهتم بيك ينادم عليك لكن انت متسمعوش لانك مشغول بغيرة
بص كويس حوليك وشوف مين اللى يستحق حبك ومعاملتك ومين لا
ارجوا ان تكون وجهت نظرى وضحتلك ومكنش طولت عليك